HAURAGIYAR HAMAGAI
by Haiman Raees
Har yanzu dai ruƙiƙin ƙurar ƙiyayyar da ake nunawa jarumai musulmai a masana'antar fina-finan Indiya sashen Bollywood bata lafa ba. Hasali ma dai a iya cewa ƙara ruruwa ta yi tun bayan fitar waƙar wata waƙar sharholiya ta cikin shirin Fatattaka wanda jarumi Shamharu, Tsula da kuma Bijimi suka jagoranta. Waƙa dai kam ta yi daɗi, sai dai Tsula ta tsula tsiya ziryan irin yadda ta ga dama, wanda hakan ya ƙara tunzura hamawagawa suka ci gaba da hargagin hargaggu masu hauma-haumar falalai domin ganin sun kawo wa shirin Fatattaka cikas a yayin kasuwancinsa. Sai dai duk wannan yunƙuri nasu ya tashi a banza, domin kuwa haƙar su bata cimma ruwa ba sai dai ƙarawa 'yan kallo zurfin zumuɗin ganin fitowar wannan fim domin su kashe ƙwarƙwatar idanuwansu. Shin 'yan hauragiya da hauma-haumar nuna turjiya da ƙin goyon bayan shirin ne za su yi nasara, ko kuma Shamharu shahararre ne zai share musu tantama ta hanyar fatattakar duk wata tantama da shirin sa na Fatattaka? Lokaci ne kawai zai tabbatar.
Pathaan trailer tomorrow.
#haimanraees
#Pathaan
#bollywoodNigeria
#ShahRukhKhan
