Alchemy of Souls (2022-2023)

Wannan shiri ne da za a iya kiransa "Sihirin da ke da Iko". Ya faru ne a wata ƙasar tamkar Koriya ta dā, mai suna Daeho, inda akwai masu sihiri (mages) waɗanda ke da ikon sarrafa ruwa, wuta, iska, da ƙasa. Amma akwai wani sihiri da aka haramta, mai suna "Alchemy of Souls" (shirin rayuka). Wannan sihiri yana iya musanya rayukan mutane daga jiki zuwa wani jiki .

Wannan shi ne jigon shirin. Kuma shirin ya kasu kashi biyu: Part 1 da Part 2. Ga nazarin duka.

Taƙaitaccen Labari

Part 1:

Mun ga wata ƙwararriyar mayaƙiya, Naksu (Go Yoon-jung), wadda ta mallaki sihiri mai ƙarfi. Amma a yunƙurin tserewa daga abokan gaba, sai sihirinta ya ci tura kuma ruhinta ya shiga jikin wata makauniys mai rauni. Wannan jikin na Mudeok (Jung So-min) ne.

Daga nan ne ta haɗu da Jang Uk (Lee Jae-wook), ɗan wani babban ahali mai daraja, amma wanda aka la'anta tun haihuwarsa ta yadda ba zai iya aikata wani sihiri ba. Yana ƙoƙarin buɗe kofar sihirinsa. Sai ya ɗauki Mudeok a matsayin baiwarsa (servant) don ta koya masa sihiri. Amma a gaskiya, ita ce Naksu mai ƙarfi da ke ɓoye a jikin Mudeok.

Daga nan ne soyayya ta fara shiga tsakaninsu. Jang Uk yana ƙaunar Mudeok, bai san cewa a jikinta akwai ruhin Naksu ba. Kuma Naksu tana koya masa sihiri, tana kuma ƙoƙarin ɓoye asirinta. Wannan dangantaka ce mai daɗi, mai ban dariya, kuma mai ratsa jiki.

Part 2:

Bayan abubuwan da suka faru a ƙarshen Part 1, sai aka sauya jarumar. Ruhin Naksu ya koma jikinta na asali, amma ta manta da komai (ta rasa tunaninta). A yanzu tana da suna Jin Buyeon . Ita ce 'yar'uwar Mudeok ta gaskiya, wadda take da ƙarfin iko na musamman. Jang Uk kuma yana cikin zaton cewa Mudeok ta mutu.

Part 2 ya biyo bayan yadda Jang Uk yake ƙoƙarin farfado da Naksu ta hanyar sihiri, da kuma yadda Jin Buyeon ke ƙoƙarin gane wace ce ita da kuma alaƙar da take da shi. Shirin yana da yawan yaƙi, kuka, da kuma soyayya mai zafin gaske.

Abubuwan Da Suka Fi Ƙarfi

1. Duniyar Sihiri Mai Kyau (World-building)

Wannan shiri ya ƙware wajen gina duniyar Daeho. Akwai Mage Houses huɗu masu iko (kamar Kwalejin Harry Potter), kowanne yana da nasa salon sihiri da dabarun yaƙi . Kallon yadda suke faɗa, da kuma yadda suke amfani da sihiri, yana da daɗin kallo sosai. An yi amfani da CGI mai kyau don nuna sihirin, ba kamar wasu shirye-shiryen da suke amfani da kayan wasa ba.

2. Jaruman da Ke Ratsa Zuciya

· Lee Jae-wook (Jang Uk): Ya nuna irin halin saurayi mai hazaƙa amma mai rauni a zuciya. Kallon yadda yake ƙaunar Mudeok da dukkan zuciyarsa, da kuma yadda yake ƙoƙarin farfaɗo da ita, yana sa ka ji kamar ka shige cikin talabijin ɗin ka rungume shi.

· Jung So-min (Mudeok - Part 1): Ta yi aikin gwanints! Ta nuna yadda Naksu mai ƙarfi take cikin jikin Mudeok mai rauni. Wani lokaci sai ka ganta tana dariya, wani lokaci kuma sai ka ji tsoron ƙarfinta. Ta sa Mudeok ta zama halin da za ka so daga zuciya .

· Go Yoon-jung (Naksu/Jin Buyeon - Part 2): Ta shigo da wani sabon salo. Ta nuna yadda Naksu take cikin ruɗani game da wace ce ita. Amma tana da kyau sosai, kuma tana da ƙarfin sihiri.

· Hwang Min-hyun (Seo Yul): Abokin Jang Uk ne, kuma yana son Naksu a ɓoye. Shi ne "green flag" na gaskiya - mutumin kirki, mai tausayi, kuma mai aminci.

3. Sautin Kiɗa (OST) Mai Ratsa Jiki

Ba zan iya yin sharhin "Alchemy of Souls" ba har sai na ambaci waƙoƙinsa. Kowace waƙa tana da ma'ana, tana kuma sa ka ji abin da jaruman ke ji. Idan kana jin waƙar, za ka ga kanka kana kuka ko kana murmushi.

4. Tambayoyi Masu Ƙarfi

Shirin yana tayar da tambayoyi masu muhimmanci:

· "Shin kai ne a jikinka, ko kai ne ruhin da ke cikin jikinka?" Wannan tambaya ce mai ƙarfi game da ainihin mutum. Idan ruhin Naksu na cikin jikin Mudeok, wace ce take rayuwa kenan a cikinsu?

· "Shin za ka iya canza ƙaddara?" Duk jaruman suna fuskantar wannan tambaya. Shin za su iya tserewa daga abin da aka riga aka rubuta musu?

· "Shin soyayya tana iya wanzuwa bayan mutuwa?" Wannan ita ce tambayar da take ratsa dukan shirin.

Abubuwan Da Wasu Ke Cewa Ba Su Yi Kyau Ba

Akwai abubuwan da masu kallo suka koka da su:

1. Mugun Hali Marar Kyau (Jin Mu): Yawancin masu kallo sun ce babban mugu, Jin Mu, bai da kyau. Ba shi da wani dalili na musamman na yin mugunta, sai dai don son iko. Kuma a wani lokaci, ba za ka ga yadda yake iya yin duk abin da yake so ba tare da kowa ya hana shi ba .

2. Sauya Jarumar a Part 2: Wannan shi ne babban abin da ya raba masu kallo zuwa gida biyu. Wasu sun ce Jung So-min (Mudeok) ta fi dacewa da halin, kuma bayan sauyata, ba su iya jin daɗin kallon shiri. Sun rasa "Mudeok" da suka saba da ita. Wasu kuma sun ce Go Yoon-jung ta yi kyau a Part 2. Amma babu shakka, sauya jarumar ya canza yanayin shirin gaba ɗaya.

3. Tafiyar Hawainiya (Pacing): Kamar yadda yake da yawa a shirye-shiryen Koriya, akwai wasu ɓangarori da suke tafiya a hankali. Wasu sun ce tsakanin episode 9 zuwa 12, babu wani abin mamaki da ya faru, kuma ya yi musu nauyi sosai.

4. Tsawon Lokaci: Kowane episode yana kusan minti 70 zuwa 90 . Kuma akwai jimillar episodes 30 (Part 1 da 2). Wannan babban lokaci ne da za ka kashe. Idan ba ka da haƙuri, zai iya yi maka wuya.

Kammalawa

Alchemy of Souls babban shiri ne, mai girma, kuma mai ratsa jiki. Ba shiri ne da za ka kalla kawai ba. Shi ne irin shirin da zai sa ka yi tunani a kai, ka ji daɗin kallon sa, kuma ka yi kuka a ƙarshensa.

Wannan shiri ne na kallo idan kana son soyayya mai zafi, sihiri mai kyau, da kuma tambayoyi masu zurfi game da rayuwa. Amma idan ba ka da haƙuri, ko kuma ba ka son shirye-shiryen da suke da yawan kuka, wannan ba zai biya ka ba.

# haimanraees #Sharhinfim #alchemyofsouls